General Information – Pashto

•   Apple Health د واشنګټن ایالت ته ټول نوي کډوال باید د DSHS له لارې د Apple Health څخه روغتیا کارت ترلاسه کړي. د Apple Health برنامه د طبي خدماتو پراخه لړۍ وړاندې کوي د مثال په ډول د ډاکټرانو ګمارنې، معافیت، د غاښونو پاملرنې، درملتون، د درملو خدمات او نور ډیر زیات…… یوځل چې تاسو خپل طبي کارت ترلاسه کړ، نو بیا تاسو کولای شئ د خپلو لیدنو لپاره نږدې یو ډاکټر یا کلینیک د خپلې درملنې لپاره غوره کړۍ. د Apple Health ډاکټران او کلینیکونه په لاندې ځایونو کې شامل دي:
  • Amerigroup Washington
  • Community Health Plan of Washington
  • Coordinated Care of Washington
  • Molina Healthcare of Washington
  • UnitedHealthcare Community Plan

• روغتونونه عموما هغه ځایونه دي چیرې چې تاسو په بیړني حالت کې ځئ یا د جدي ناروغیو د تشخیص لپاره ورته مراجعه کوۍ، او ډاکټران عموما تاسو ته ستاسو د ناروغۍ د تشخیص وروسته تاسو ته درملو یا نورو هدایاتو وړاندیز کوي.
• په متحده ایالاتو کې، درمل د درملتون له لارې ویشل کیږي، هرکله چې تاسو ته نسخه درکړل شي، نو تاسو به درمل د درملتون څخه ترلاسه کوۍ، نه دا چې په مستقیم ډول يې د ډاکټر څخه ترلاسه کړۍ.
• کلینیکونه هغه ځایونه دی چې تاسو د معمول مطابق د خپلې طبي پاملرنې لپار ورته مراجعه کوۍ. دوۍ په منظم طبي ستونزو تمرکز کوي، پدې معنی چې هرکله تاسو دلته مراجعه وکړۍ، نو ستاسو ستونزې او مرض به په مقرر شکل په همغه ورځ حل شي، حاجت به ددې نه وي چې تاسې د شپې لپاره په روغتون کې پاتې شۍ. ډیری لیدنې په کلینیک کې د ملاقات یا ډراپ ان خدماتو له لارې ترسره کیږي. په دغه کلینکونو کی عموما د غاښونو، سترګو، د میرمنو د امیندوارۍ او نور روغتیاېې خدمتونه شامل دي. او د کلینیکونو خدمات بیا یو د بله سره توپیر لري.
• د بیړنۍ پاملرنې اسانتیاوې اکثرا وروسته او د اونۍ په پای کې خلاصې وي، او کولای شي ددغه ډول حالاتو لپاره په هر حالت کی لازمې اسانتاوې چمتو کړي. کولای شۍ چې د بیمې خدماتو څخه په استفادې سره د خپل ځان او نورو لپاره لا اسانتیاوې برابر کړۍ.
• د بیړنۍ پاملرنې اسانتیاوې د سمدستي یا د ژوند ګواښوونکو شرایطو د درملنې لپاره شتون لري او خپل فعالیت مخته وړي.
• نسخه د درملو اخیستلو لپاره سپارښتنې دي چې ستاسو ډاکټر به تاسو ته ووایي چې درملتون ته ورشئ. په متحده ایالاتو کې ځینې نسخې د ډاکټر امر ته اړتیا لري، مګر ډیرې نور ېې د درملو پلورنځي یا پرچون پلورنځي کې شتون لري. ډاډه اوسئ چې پوښتنه وکړئ هغه درمل چې تاسو یی چیرته ترلاسه کول غواړۍ باید د هغه ځای څخه ېې ترلاسه کړۍ چې ډاکټر تاسو ته ښودلي وي. په متحده ایالاتو کې ډاکټر معمولا تاسو ته ستاسو د لیدو پرمهال درمل نه درکوي.
• درملتونونه چې اکثرا جدا وي یا د خوراکي توکو پلورنځي کې ځانګړي دفتر وي، مګر کله ناکله په کلینیک کې دننه هم موجود وي ترڅو تاسو ته ستاسو د ډاکټر مطابق دوا درکړي.
• د درملو پلورنځي لکه والګرینز یا رایټ ایډ یا ډیری نور پرچون پلورنځي د ډیری نور عادي درمل هم پلوري. د مثال په ډول د درد کموونکي، تبه کموونکي، د زکام درمل، او یو شمیر نور محصولات د نسخې پرته د کاونټر څخه د پیرودلو لپاره شتون لري.
• د بیمې شبکه د ځانګړو روغتونونو، ډاکټرانو، او نورو سره قرارداد کوي. دا په دی معنا چې که چيرته ستاسو بیمه ددغو شبکو سره وصل وي، نو تاسو بیا کولای شۍ چې ددې خدماتو څخه برخمن شۍ او که چیرته وصل نه وۍ نو بیا ېې نه شۍ استعمال کولای. په دغه ځایونو کی د بیمې لپاره خپل ځایونه اوسي، چې ستاسو د درملنې لپاره به تاسو سره همکاري وکړي، او ستاسو د بیل په پرې کولو کې به تاسو سره لازمه مرسته وکړي.
• د روغتیاېې بیمې او روغتیایی خدماتو پورې اړوند مختلف ډول لګښتونه شتون لري. Premiums هغه څه دي چې تاسو ېې هره میاشت د خپل روغتیا د پاملرنې د پوښښ ساتلو لپاره تادیه کوئ.

دا هغه ډول روغتونونه دي چې د هغو خلکو لپاره د ژوند ژغورنې عاجل خدمات وړاندې کوي، چې د ژوند ګواښونکو شرایطو یا ټپونو سره مخ دي. که یو څوک بیړنۍ طبي پاملرنې ته اړتیا ولري نو هغه بیا د ملاقات وخت ته اړتیا نلري، تاسو کولای شئ هغه Emergency Care ته ورسوئ یا Emergency Care ته د اضافي مرستې یا ټرانسپورټ ترلاسه کولو لپار 911 ډایل کړئ او خپل طبې عاجل مشکل حل کړۍ.

کله چې  911 ډایل کړئ تاسو باید خپل طبي بیړني حالت ورته بیان کړئ. که تاسو ژباړونکي ته اړتیا لرئ، مربوطه کس ته ووایاست چې تاسو “ژباړونکي” او د خپلې خوښې ژبې ته اړتیا لرئ نو دوۍ کولای شي له هغه چا سره اړیکه ونیسي چې خبرې ژباړلی شي.

که څه هم د بیمې ټول خدمات په Emergency Care کې منل شوي دی، (copay) د Primary Care یا Urgent care په پرتله خورا ګران دي په دغه ډول ځای کی، دا کیدای شي د $ 100 څخه تر $ 200 پورې وي، مګر معاف کیږي که چیرې څوک په روغتون کې داخل شي.        

Emergency Care ته لاړ شئ که چیرې تاسو د لاندې مرضونو څخه یو درلود:

• ټوخی کول یا د کانګې په شکل کی وینه راتلل
• تنفسي مشکل
• د ځان او نورو ته د زیان رسولو څخه وروسته
• د بدن د غړو ګواښونکي ټپونه
• په پښه کې درد یا پړسوب چې کیدای شي په رګونو کې د وینې د پړن کیدو لامل شي
• زهرې کیدل
• شدید الرجیکي عکس العمل
• د سترګو شدید ټپونه، په شمول د کیمیاوي موادو سره مخ کیدل
• شدید سر درد
• شدید ټپونه یا د بدن د غړي قطع کیدل
• د زړه د حملې نښې لکه د سینې درد
• د ضربې نښې لکه په لاسونو یا پښو کې ناڅاپه بې حسي
• ناڅاپه یا شدید د معدې یا حیض درد

د رواني روغتیا خدمتونه د شرایطو پراخه لړۍ ده. رواني فشار اداره کول خورا ستونزمن کار دي او کولای شي تاسو ناروغه کړي، یا حتی ستاسو د شدید خپګان سبب شي. نو په دی حساب سره د درملنې او مشورې خدمتونه د ناروغ په وضعیت پورې اړه لري او توپیر کولای شي، په دی برخه کی د ناروغ د معالج یا مشاور سره په ځانګړې توګه او یا په ډلییزه توګه بحثونه شامل دی. معالجین او مشاورین کولای شي ستاسو سره د ستونزمن احساساتو یا افکارو اداره کولو لپاره د کاپي کولو مهارتونو زده کولو کې مرسته وکړي، داسی مهارتونه چې ازمایل شوي دي، او د رواني حالت په ښه کیدو کی ډیر موثر تمام کیدای شي. رواني درملنه د رواني روغتیا په تشخیص، مخنیوي او درملنې تمرکز کوي.

د رواني ناروغیو یو متخصص ډاکټر دی. چې دغه متخصص ستاسو د روانې روغتیا په تشخیص او اداره کولو کی د خپل مهارت څخه ګټه اخلی او ستاسو د روغتیا خیال ساتي.

تاسو باید په یا ولرۍ چې ډیری درملنې او د مشورو خدمتونه یوازې په انګلیسي کې شتون لري. د رواني روغتیا د مسلکي اشخاصو سره به ستاسو لومړۍ لیدنه معمولا ستاسو د رواني روغتیا د اوسني حالت درک کول وی، او ستاسو د روغتیا لپاره مناسبې لارې چارې، مشورې او درملنه کول وی. نور ټول عادي د درملنې لپاره ناستې په اونۍ کې یو ځل ټاکل کیږي، پداسې حال کې چې د رواني ناروغیو ملاقات ممکن یوازې د هرو څلورو څخه تر شپږو اونیو کې ترسره کیږي.

ځینې ​​​​ځایونه ممکن د بیمې ټول خدمات ونه مني، حتی که تاسو د Apple Health غړیتوب هم د ځان سره ولرۍ. د نورو معلوماتو لپاره د خپل بیمې ویب پاڼه وګورۍ، ترڅو په شبکه کې موجود ځایونه پیدا کړۍ چې د خپلې روغتیا باره کی ورڅخه ګټه پورته کړۍ. د Behavioral Health Services لپاره فیسونه او (copay) هم د چمتو شوي خدماتو پورې اړه لري. د رواني ناروغیو لومړنۍ ارزونې شاوخوا $ 250 څخه تر $ 300 پورې لګښت لري، او نور تعقیبي ملاقاتونو بیا شاوخوا د $ 100 څخه $ 200 پورې لګښت لري د اضافي درملو او فیسونو په شمول.

د غاښونو ډاکټران هغه مسلکې اشخاص دي چې ستاسو د غاښونو او جامبو پورې اړوند د خولې په روغتیا کې تخصص لري. دوۍ د غاښونو پاکول، ایکس رې کول، ډکول، او د غاښونو ویستلو خدمات چمتو کوي. د غاښونو اساسي پاملرنه د Apple Health په خدماتو کی په مکمل ډول شامله ده، نو که چيرته تاسو غواړۍ چې ور څخه استفاده وکړۍ نو په منظم ډول ورته خپل مهالویش چمتو کړۍ.

لارښوونه

تاسو کولای شئ د غاښونو ډاکټرانو په اړه لټون وکړئ چې اوس مهال ستاسو د بیمې شبکې کې ستاسو د بیمې ویب پاڼه کی شتون لري او نوي ناروغان قبلوي.

ارتودونټیسټان د عادي غاښونو ډاکټرانو څخه توپیر لري، د غاښونو او ژامو د سمولو او سمت کولو کې ځانګړې تخصص لري چې دوۍ د  د braces او retainers او یا هم ځنې نورو میتودونو څخه کار اخلي. پداسې حال کې چې د Apple Health یوازې د غاښونو یو شمیر مهم اړخونه په برکی نیسي، د اورتوډونټیک پوښښ د غاښونو جدي ستونزې په برکی نیسي، او ددغې برخې خدمات د لوړو طبي متخصصینو اجازې ته اړتیا لري.

تاسو کولای شئ د غاښونو ډاکټرانو په اړه لټون وکړئ چې اوس مهال ستاسو د بیمې شبکې کې ستاسو د بیمې په ویب پاڼه کی شتون لري او نوي ناروغان قبلوي. هرکله چې تاسو خپل د غاښونو ډاکټر غوره کړ، نو بیا وروسته تاسو کولای شئ دوۍ ته زنګ ووهئ، ترڅو خپل لومړی ملاقات له دوۍ سره وکړۍ. د غاښونو ډاکټران معمولا ستاسو د خولې روغتیا ساتلو لپاره په هرو 6 میاشتو کې د غاښونو پاک او معاینه کوي. دغه متخصصین د غاښونو د هر رنګه بیړنيو حالتونو لپاره ددوۍ د ځانګړو پالیسیو له مخي همیشه چمتو اوسي.

لګښتونه

د غاښونو ډاکټران د نورو عادي ډاکټرانو څخه ډیر لګښت لري. ځینې ​​​​ځایونه ممکن د بیمې ټول خدمات ونه مني، حتی که تاسو د Apple Health د ځان سره ولرۍ. د نورو معلوماتو لپاره د خپل بیمې ویب پاڼه وګورۍ ترڅو په شبکه کې موجود ځایونه پیدا کړۍ او استفاده ور څخه وکړۍ. سربیره پردې، د Apple Health لخوا چمتو شوي د غاښونو پوښښ محدود دی نو مهرباني وکړئ د خپل بیمې چمتو کونکي سره په تماس کی شۍ او د خپلې ګټې مطابق ورڅخه استفاده وکړۍ. د غاښونو پاکول او معاینات اکثرا ستاسو د بیمې لخوا په بشپړ ډول سرته رسیږي، مګر مهرباني وکړئ په یاد ولرئ چې ځینو اضافه خدماتو لپاره به تاسو ته د (copay) ضرورت هم راځي. د غاښونو ډکول د $ 50 څخه تر $ 150 پورې لګښت لري، د ساده غاښونو ویستل هر غاښ د $ 75 څخه $ 250 ډالرو ترمینځ لګښت لري، پداسې حال کې چې  په جراحۍ د عاښ ویستل چې د anesthetics کارولو ته اړتیا لري له $ 180 څخه تر $ 550 پورې لګښت لري.

ټول هغه کسان چې بیمه شوي نه دی، نو دی قسم خلکو لپاره هم ځانګړې پاملرنه په نظر کی نیول شوی ده. د سیاټل د Muslim Health Professionals د نړیوالو طبي ټیمونو سره ملګرتیا کوي ترڅو د بیمې پرته خلکو لپاره د غاښونو ګرځنده برنامه وړاندې کړي. خپل نوم، بریښنالیک، آدرس، د تلیفون شمیره، ستاسو د ورتلو وخت، او ستاسو د غاښونو مرض په ویلو سره دلته   کلیک وکړۍ او د خپل خپل ملاقات لپاره وخت ونیسۍ.

د سترګو ډاکټران هغه متخصصین دي چې د سترګو او لید په روغتیا باندې تمرکز کوي، کولای شي د عینکو، د تماس لینز، یا د لید پورې اړوند نورې ستونزې حل کړي. په دی برخه کی مرسته پیدا کول لږ مشکل دی، نو ستاسو د Primary Care ډاکټر یا کلینیک به تاسو سره مرسته وکړي چې په دی برخه کی همکاري وکړي ترڅو تاسو د سترګو ډاکټر ته راجع کړي. وروسته له دې چې تاسو د سترګو ډاکټر ته راجع شوۍ، تاسو کولای شئ دوی ته زنګ ووهئ ترڅو خپل لومړی ملاقات ورسره برابر کړۍ. او بیا د اړتیا په صورت کی تاسو کولای شۍ چۍ په مستقیم ډول د ډاکټر سره تماس وکړۍ.

ځینې ځایونه ممکن د بیمې ټول خدمات ونه مني، حتی که تاسو د Apple Health غړیتوب هم ولرۍ. نو تاسو باید د خپل بیمې ویب پاڼه وګورۍ ترڅو په شبکه کې موجود ځایونه پیدا کړۍ.

سربیره پردې، د Apple Health لخوا چمتو شوي د Eye/Vision Care پوښښ محدود دی نو مهرباني وکړئ د خپل بیمې چمتو کونکي سره په تماس کی شۍ او د خپلې ګټې مطابق ورڅخه استفاده وکړۍ.

Eye/Vision Care په عمومي ډول د $ 10 څخه تر $ 40 پورې لګښت لری پداسې حال کې چې دعینکو او د نظر نسخې په کال کې له $ 100 څخه تر $ 200 پورې لګښت لري.

د نسايي ناروغیو متخصصین (OB/GYN) هغه ډاکټران دي چې د امیندوارۍ او ښځینه زیږون کې تخصص لري. دا چې څو ځله یوه امیدواره ښځه خپل ځان دا  ډول ډاکټر ته ښاېې توپیر کوي، مګر ډیرې یې غوره دا بولي چې لږترلږه په کال کې یو ځل د ملاقات مهالویش ځانته د ډاکټر د ښودلو لپاره برابر کړي. که یوه ښځه امیندواره وي، باید لږترلږه په میاشت کې یو ځل خپل OB/GYN وګوري، او د زیږون څخه وروسته تر لومړیو 3 میاشتو باید د خپل ځان او دماشوم روغتیا ته جدي پاملرنه وکړي.

ښځینه ماشومان:

مور او پلار ته دا سپارښتنه کیږي چې د خپلو ښځینه ماشومانو د کلنۍ معایناتو مهالویش جوړ کړي چې عمرونه یې د 13 او 15 ترمنځ وي. دا د والدینو لارښود د دې لیدنو په جریان کې ستاسو د کورنۍ د خوندیتوب او هوساینې لپاره خورا مهم دی. په عمومي ډول د OB/GYN  په خدماتو کې د سینې او نسایی سرطان معاینه کول، د وینې معاینه، او د STI معاینات شامل دي.

تاسو کولای شئ چې مشخص کړئ چې تاسو نارینه یا ښځینه ډاکټر غواړئ، تاسو کولای شئ دوۍ ته زنګ ووهئ ترڅو خپل لومړی ملاقات ورسره وکړۍ. د ټولو هڅو سره  تاسو باید په مستقیم ډول د خپل OB/GYN سره کار وکړئ ترڅو د اړتیا سره سم ملاقاتونه او خدمات ورته برابر کړۍ، ترڅو ېې صحت ته په سمه توګه پاملرنه وشي. تاسو کولای شئ چې ددغه ډول ډاکټرانو په اړه لټون وکړئ چې اوس مهال ستاسو د بیمې شبکې کې ستاسو د بیمې په ویب پاڼه کی شتون لري او نوي ناروغان قبلوي.

پداسې حال کې چې checkups کوچني (copay) لري، اضافي خدمتونه چې معمول نه وي اضافي لګښتونه لري، او ستاسو د بیمي په ډول پورې اړه لري.

په متحده ایالاتو کې، تاسو به د خپل ډاکټر څخه د درملو نسخې ترلاسه کړئ مګر تاسو باید خپل درمل د ځای پر ځای درملتونونو لکه (والګرینز، رایټ-ایډ، CVS) او دی ته ورته نورو ځایونو څخه واخلۍ.دا درملتونونه به ستاسو د اوسني نسخې ریکارډ د ځان سره ساتي ترڅو د مخدره توکو د منفي تعامل مخه ونیول شي، نو په دی توګه ټولو ته سپارښتنه کیږي چې تاسو خپلې ټولې نسخې په ورته ځایونو کی ترلاسه کړۍ. کله چې د لومړي ځل لپاره نسخه ترلاسه کوۍ، تاسو به معمولا د خپل بیمې معلوماتو، د نسخې فورمه، او ستاسو نوم او ادرس ته اړتیا ولرۍ. ډیری درملتونونه کور ته د درملو د رسولو خدمات هم وړاندی کوي ترڅو تاسو ته لا اسانتیا پکې راشي. تاسو کولای شۍ چې ددې خدماتو په اړه د مربوطه شخص څخه نور معلومات هم ترلاسه کړۍ، او همدارنګه که چیرته په درملو کی کوم مشکل لرۍ کولای شي د درملتون ولا څخه پوښتنه وکړۍ. اکثره درملتونونه دغه ‌‌‌‌ډول درمل لکه (د درد کمونکي، تبه کمونکي او د زکام درمل) پرته د نسخي ورکوی. تاسو کولای شئ له دې ځایونو څخه لیدنه وکړئ او په منظم ډول دا درمل واخلئ.

د Apple Health  د ProviderOne ویب پاڼه کولای شي تاسو سره د نږدې ډاکټرانو په موندلو کې کافي مرسته وکړي. د روغتیا پاملرنې Search Engine به په ابتدايې ډول ستاسو د اوسني زپ کوډ/ښار او ستاسو د ناروغۍ د ډول غوښتنه وکړي او ستاسو سره به هر راز همکاري وکړي.

لارښوونه:

د ماشومانو لپاره (Pediatrics) د بالغ ډاکټر لپاره (Internal Medicine) د ښځو روغتیا پاملرنې لپاره(Obstetrics and Gynecology)، د غاښونو ډاکټر لپاره (Dentist) غوره کړئ. هرکله چې تاسو ددي لیست څخه یو غوره کړ، په دی سره به ستاسو په سیمه کی مربوطه د ډاکټرانو لیستونه راشي، نو تاسو بیا کولای شۍ چې خپل د خوښي ډاکټر ځانته پیدا کړۍ.

هرکله چې تاسو ددغه Search Engine/Services Guide ګټه اخلۍ،  مهرباني وکړئ په یاد ولرئ چې دغلته موجود لیستونه همیشه Update نه وي. نو د دې لپاره چې تاسو ډاډ ترلاسه کړئ، نو مهرباني وکړئ د خپل بیمې چمتو کونکي سره اړیکه ونیسئ ترڅو دا تایید کړئ چې هغه ځای یا متخصص چې تاسو یې لیدنه غواړئ لاهم کار کوي او نوي ناروغان مني او که نه.

د واشنګټن ایالت قانون دا واېې چې په عامه ښوونځیو کې شامل شوي ماشومان باید د ساري ناروغیو پروړاندې واکسین شي ځکه چې نور ماشومان له خطر سره مخ کولای شي. هغه ماشومان چې د ښوونځي له پیل څخه مخکې یې ټوله لړۍ د واکسینو نه وي بشپړه کړې، د مشروط دریځ به ورکړل شي. دا پدې مانا ده چې دوی ته به بیا اجازه ورنکړل شي چې ښوونځي ته لاړ شي.